Eusi Chind die wachsed gschwind.

S’Fangis brucht täglich meh Schnuf.

Sie ränned schnäll - au ohni Gfäll

und werfed nöd nur Fragen uf.

Eusi Chind immer am Ball.

Us de Chuchi ghörsch en Knall.

Usem Zimmer ghörsch es Lache,

dänn en Schrei - glaub vome Drache…

Eusi Chind immer bereit, 

für soziali Grächtigkeit!

S’einti Glas isch bizli z’voll

und s’Ässe chalt!

Ja würklich toll!

Eusi Chind wänd öppis säge

aber dänn sind’s doch zverläge.

Und händ diä en sture Grind!

S’sind hald würklich - eusi Chind.

Eusi Chind erfindet gschwind.

Sie händ Ideä, mir händ s’Gäld.

Eusi Chind sind wases sind,

nämli s’Bescht uf dere Wält.

Ufe