Ich han gnueg vo dem Lärme - vo all dene Stimme

lahn all das dihine, will es macht eus vo Sinne

und bevor mir all spinne wie de Spiderman,

eusi Träum all zerrinne wie heisse Chäs

machmi uf de Weg, schmiede andrei Plän

bizzli schräg aber zwäg, will ich pfieffen uf Swag

dasch kein Gag und kei Bläch, was ich da rhyme

Ja, ich laufe dur d'Nacht, doch bin nie ellei

Nei, bin unterwegs hei, au dur Freude und Leid

wiit und breit kei Verstärchig, so vill Züg wo entzweit

und so oft wird diä Schwächi womer öpperem zeigt

als Entschuldigung gwertet - eim zu Laschte usgleit

Doch de Fight isch deep, bi weder feig no cheap

Pfieff uf de Hype, ich bliib vill lieber Teil vom Liib

Han e Schwetti Konfetti und im Hirni es Sieb

S'isch nöd alles paletti - vill zvill Zytvertrieb

Mir laufed dur d'Nacht i de Dunkelheit

lueged dass sie sich nöd uf eus leit

haltet eus für de Tag bereit

Ir Dunkelheit lüchtet Liechter uf 

Mir träged sie konstant liecht berguf

Mr gseht sie im Dunkle scho wiit vorus

Mängisch de vo nahgit, mängisch de wo stahbliibt

will das wo mi atriibt isch nöd wer Applaus git

de Chlaus git mer alles, mini Rhymes händem gfalle

Doch min Gott verstaht alles, will Er gseht unter d'Schale

Macht sich Liebi verletzbar wird sie unersetzbar

Ihres Liide isch wahr - so wird sie offebar

Sovill isch klar. Nach Johannes 11,8

det seit Jesus de Jünger, er göch nöd bi Nacht

Doch gib Acht, damit meint er sin Uftrag

will det won Er hiistaht wirds tatsächlich Tag, (wie uf Pandora)

Und Er sälber wohnt in eus - gäll das tönt deftig

S'Liecht vo de Wält simmer - scho grad chli heftig

Tatchräftig wird ez Sis Tagwerch vollbracht

S'wird Hoffnig entfacht, applaudiert und usglacht

zumindest belächlet - nöd all findet Gfalle

will das Liecht i de Nacht wird immer uffalle

Mir laufed dur d'Nacht i de Dunkelheit

lueged dass sie sich nöd uf eus leit

haltet eus für de Tag bereit

Ir Dunkelheit lüchtet Liechter uf 

Mir träged sie konstant liecht berguf

Mr gseht sie im Dunkle scho wiit vorus

Ufe