Hüt morge - bini früeh ufgstande

aber nöd us Gwonet und au nöd us Pflicht

sondern eifach nur so voller Zueversicht

dass dä Tag bringt, was er verspricht.

Ich chum usem Huus - de Morge isch frisch

Ich schmöck' da veruss wie herrlich d'Luft isch

Ha Vogelgsang usem Wald i mim Ohr

und ich gspür ohni Planig hüt staht vill bevor

Ich gib mir en Ruck und starte diä Reis

hibbelig wien es Chind, total drüber, ich weiss

Ich bin Astronaut und schwebe durs All

xehne Wälte sich öffne um mich überall

und d'Frage dezue ziehnd a mir verbi

und scho gly xehni ih - ich bi würkli ganz chli

doch das Gheimnis isch gross und ich würds gern verstah

aber d'Zyt isch verzerrt und tuet andersch vergah

Ganz ellei i dem Strudel wo nüt bekannts zellt

und ich schreie nach öpperem wo mich befreit

ich gspüre das Füür - das brännt au i mir

doch nöd jedi Tüür fühert mich as Ziel

Und so chum ich halt zrugg und stränge mich ah

aber was ich vernoh han, laht mich ez nüm gah

ich erkänne dasses ez keis Zrugg git

und dass dadrin mis Glück lieht.

I need space

I need space

D'Kund vo de Stund isch in aller Mund

Beschlünigung staht ufem Plan

Nur Schund isch nöd gsund aso weg vo dem Schlund

susch verfallsch nur em Trotz und em Wahn

Ez stömmer am Rand vo allem was zellt

und händ eus alles ganz ehrlich verzellt

mr händ nöd alles wahrgno, chönd nur wenig verstah

trotzdem wämmer no hüt vo da gah

mir händ eusi Trieb eus lah regiere

und gierig händs eus versklavt. 

Ihr Schläg, ihri Zwäng sind bedrückend und äng

vorallem für die wo wänd gah.

Und mir ghöred vo Liebi und vo Verluscht

mir ghöred vo Hoffnig, Friede und Fruscht

Villes isch neu aber trotzdem vertrout

s'Meischte wird zersch zerbroche und dänn uferbout

Und bim Kämpfe wirds klar, was isch fake, was isch wahr

und triibsch i de Wälle, isch de Fels klar e Gfahr.

Eifach wunderbar isch eusi Fründschaft für mich

nöd ellei müsse z'harre macht mich ganz riich.

Ich gang es Paar Schritt und dänn bliibi stah

ich gseh de Wind dur satti Wiese gah

d'Frag aber bliibt: Wona söllemer strebe?

Mir bruched Geduld und münd durehebe.

I need space

I need space

(Piano Ausraster)

De Wahrheit verpflichtet teilemer s'Läbe

und folged wiiter dem Weg

es gaht ufen und abe und mängisch durs Dunkle

über Berge und Muure hinweg

Dur Kampf und Chrampf simmer doch sanft bliebe

eimal meh werdemer ufgriebe

En  Weg prägt vo Demuet schlaht sehr wenig Schum 

und verschafft eus zum liebe gnueg Ruum

I need space

I need space

Ufe